იორდანია

იორდანია (არაბ. الأردن‎‎, ალ-ურდუნი), ოფიციალური სახელწოდებაა იორდანიის ჰაშემიტური სამეფო (არაბ. المملكة الأردنية الهاشمية‎‎) — არაბული სახელმწიფო ახლო აღმოსავლეთში. რომელსაც ჩრდილოეთით ესაზღვრება სირია, ჩრდილო-აღმოსავლეთით ერაყი, სამხრეთით და აღმოსავლეთით საუდის არაბეთი, ხოლო დასავლეთითისრაელი და პალესტინა. იორდანია ისრაელს და პალესტინას ესაღვრება მკვდარი ზღვის სანაპიროთი, ხოლო აკაბის ყურით ისრაელს, ეგვიპტეს და საუდის არაბეთს.

ოფიციალური სახელწოდებაა იორდანიის ჰაშემიტური სამეფო. ტერიტორიის 99% უდაბნოებს და ნახევარუდაბნოებს უკავია. ქვეყანაში ჩამოსულ ტურისტებს ყველაზე მეტად იზიდავს მსდოფლიოს ახალი შვიდი საოცრებიდან ერთ-ერთი - პეტრა.

სექციების სია

  [ჩვენება] 

დემოგრაფია[რედაქტირება]

იორდანიის მოსახლეობა 5.9 მილიონი ადამიანია. მოსახლეობის 95% - არაბია. იორდანელი არაბები მოსახლეობის 35% შეადგენენ, 55 % — პალესტინელები^[1], რომლებიც აქ ისრაელ-არაბეთის ომის შემდგომ გადმოსახლდნენ 1948 და 1967 წლებში. სხვა ეთნიკური წარმომადგენლები: ადიღეველები, ჩეჩნები, სომხები და ქურთები.

2003 წელს ერაყთან ომის შემდგომ ქვეყანაში ბევრი ერაყელი დასახლდა. მათი რაოდენობა იორდანიაში 150 - 300 ათ. აღწევს.^[2]

დასაქმების სამინისტროს მონაცემებით ქვეყანაში დაახლოებით 300 000 ათასი მუშა იყოფება, მათი უმრავლესობა ეგვიპტელები არიან (227 000), დანარჩენები ძირითადად არიან ბანგლადეშიდან, ჩინეთიდან, ფილიპინებიდან, შრი-ლანკიდან და ინდოეთიდან.

რელიგია[რედაქტირება]

მოსახლეობის უმეტესობა ისლამის მიმდევრები არიან. ქრისტიანები ქვეყნის მოსახლეობის მხოლოდ 6%-ს შეადგენენ, პარლამენტში კი ადგილების 20% უკავიათ. ძირითადში ქვეყნის ქრისტიანული მოსახლეობა მართლმადიდებლები არიან. ნაწილი კი კათოლიკები არიან.

ენა[რედაქტირება]

ოფიციალური ენაა — არაბული, ბიზნესში და სამთავრობო სტრუქტურებში ასევე გავრცელებულია ინგლისური ენა. არაბული და ინგლისური არის აუცილებელი ენები, რომლებიც სკოლებში ისწავლება. ასევე არის ფრანგული ენაც. ქვეყანაში რადიო გადაიცემა არაბულ, ინგლისურ და ფრანგულ ენებზე.

სახელმწიფო მოწყობა[რედაქტირება]

იორდანია— კონსტიტუციური მონარქია, რაც გამყარებულია კონსტიტუციით, რომელიც მიღებული იქნა 1952 წლის 8 იანვარს. მართვის სადავეები ხელთ უპყრია მეფეს და მის მინისტრთა საბჭოს. მეფე იღებს კანონებს, მისი დაბლოკვა შესაძლებელია მხოლოდ ნაციონალური ანსამბლეის ზედა და ქვედა პალატის წევრთა 2/3 ხმების რაოდენობის მოგროვებით.

კონსტიტუცია ითვალისწინებს რელიგიურ, სამოქალაქო და სპეციალურ სასამართლოს. ქვეყანა დაყოფილია 12 მუჰაფაზად.

რეგიონები, რეგიონლარუცი ცენტრები, მოსახლეობის რაოდენობა

მუხაფაზა	მუხაფაზა (ინგ.)	ცენტრი	ფართობი, კვ.კმ	მოსახლეობა (2004)
აჯლუნი	Ajlun	აჯლუნი	412	118 496
აკაბა	Aqaba	აკაბა	6 583	101 736
ამანი	Amman	ამანი	8 231	1 939 405
ჯარაში	Jerash	ჯარაში	402	153 650
ირბიდი	Irbid	ირბიდი	1 621	925 736
მაანი	Ma’an	მაანი	33 163	92 672
მადაბა	Madaba	მადაბა	2 008	129 792
ეზ-ზარკა	Zarqa	ეზ-ზარკა	4 080	774 569
ელ-ბალკა	Balqa	ეს-სალტი	1 076	344 985
ელ-კარაკი	Kerak	ელ-კარაკი	3 217	204 135
ელ-მაფრაკი	Mafraq	ელ-მაფრაკი	26 435	240 515
ეტ-ტაფილა	Tafilah	ეტ-ტაფილა	2 114	75 290